नव देहली:। गाजापट्टिकायां प्रवर्तमानायां इज़रायलेन कृतायां बमवृष्टौ च मानवीयसंकटे च प्रति, काङ्ग्रेस्-पक्षस्य महासचिवा श्रीमती प्रियंका गांधी वाड्रा भारतसर्वकारं प्रति तीव्रं प्रश्नं कृतवती। सा अवदत् – इज़रायलेन फिलिस्तीने नरसंहारः क्रियते, परं भारतसर्वकारः लज्जाजनकं मौनं धारयति।
प्रियंका गांधी X (पूर्वं ट्विटर्) इत्यत्र लेखित्वा आरोपयत् यत् – अर्धलक्षाधिकाः जनाः हिंसायां हताः, यत्र सहस्रशः बालकाः अपि मृत्युमुपगताःसा लिखति –
“इदानीं पर्यन्तं इज़रायली हिंसायां ६०,००० अतिरिक्ता जनाः मरणं प्राप्ताः, तेषु १८,४३० बालकाः अपि। अनेके जनाः क्षुधया च रोगेण च पीड्यन्ते। भारतवत् लोकतान्त्रिक-देशस्य मौनं लज्जास्पदं। एषा चुप्तिः अपि एकः अपराधः।
पत्रकाराणां वधस्य विषये दुःखप्रदर्शः अपि।
अल्-जज़ीरा-माध्यमस्य पञ्च पत्रकाराणां हत्यां प्रति सा दुःखं व्यक्तवती। सा अवदत् –
“सत्यमार्गे स्थितान् एतान् पत्रकारान् इज़रायली हिंसायाः कारणेन मौनं कृतम्, परन्तु तेषां स्वरः कदापि न नश्यति। एते वस्तुतः पत्रकारितायाः प्रतीकः। ईश्वरः तेषां आत्मनः शान्तिं ददातु।”
इज़रायली दूतावासस्य प्रत्युत्तरम् – ‘भ्रान्तिं प्रसारयति प्रियंका’
भारतस्थे इज़रायले दूतः रूवेन अजार इत्यनेन तीव्रं प्रतिवचनं दत्तम्। सः अवदत् –
“भ्रान्तिं प्रसारयति एषा – लज्जाजनकं। इज़रायलेन २५,००० हमास्-आतङ्कवादिनः विनाशिताः, न तु निर्दोषाः नागरिकाः। हमास् एव सामान्यजनान् ढालरूपेण उपयुञ्जते, गाजायाः संकटस्य मूलकारणं च अस्ति।”
दूतावासेन एवम् अपि उक्तम् –
“गाजायां २० लक्षटनं खाद्यं प्रेषितम्, परन्तु हमास् तं खाद्यं हरति।भारतसर्वकारस्य मध्यमार्गः – द्विराष्ट्र-समाधानस्य समर्थनम्।
भारतसर्वकारेण किमपि स्पष्टं पक्षं न स्वीक्रतम्। संयुक्तराष्ट्रे भारतस्य स्थायीप्रतिनिधिना पार्वथनेनी हरीश इत्यनेन उक्तम् –
“भारतः द्विराष्ट्र-समाधानस्य पक्षे अस्ति। अस्माकं प्राथमिकता – गाजायां मानवीय-सहाय्यम् अविरतं गच्छतु।”एवं, गाजायां प्रवर्तमानं हिंसासंकटं इदानीं भारतस्य आन्तरिक-राजनीतिं अपि स्पृशति। विपक्षः भारतसर्वकारस्य मौनं अन्तर्राष्ट्रीय-नैतिकतायाः विरुद्धं मन्यते, यदा सर्वकारः कूटनीतिकं सन्तुलनं धारयितुं यत्नं करोति।
About The Author
